نیل پالش، ریموو ناخن

ضروری نہیں کہ ہاتھوں کی جاذب نظر بنانے کیلئے لمبے ناخن رکھے جائیں نفاست سے فائل کئے ہوئے صاف ستھرے ناخن آپ کے ہاتھوں کو بہت سنوارا ہوا انداز عطا کرتے ہیں۔ ناخن آپ کی شخصیت کا اظہار ہوتے ہیں ٹوٹے ہوئے یادانتوں سے کترے ہوئے ناخن یا اکھڑی ہوئی نیل پالش آپ کی غفلت اور بے پرواہی کی آئینہ دار ہوتی ہے تو کیوں نہ آپ ہفتے میں ایک بار کچھ وقت نکال کر اپنے ہاتھوں کو شرمندگی کی بجائے اپنے لئے فخر کا باعث بنائیں۔ ہمارے ناخن سے شروع ہوتے ہیں یہ حصہ میٹرکس کہلاتا ہے۔ یہاں پر نئے خلیے بنتے ہیں اور مردہ خلیے آگے دھکیل دئیےجاتے ہیں۔ یہ خلیے ہمارے ناخنوں کی ہموار اور سخت سطح بنتے ہیں یہ سطح کیوٹیکل کہلاتی ہے کیوٹیکل میٹریس کی حفاظت کرتی ہے اور ناخن کو جلد سے چپکائے رکھتی ہے تاکہ بیکٹریا وغیرہ اندر داخل نہ ہو سکیں۔ ناخنوں کو توانائی دوران خون ہی کے ذریعے پہنچتی ہے اس لیے غذا بھی ناخنوں کی صحت کیلئے بہت ضروری ہے۔ ناخنوں کی صحت مند رکھنے کیلئے وٹا من B-2 اور فولاد بہت ضروری ہے۔ یہ غذائی اجزاءہرے پتے والی سبزیوں مثلاً پالک اور گوشت وغیرہ میں پائے جانے ہیں۔ کیلشیم کی کمی سے ناخنوں میں سفید دھبے پڑ جاتے ہیں۔ اس کیلئے اپنی غذا میں دودھ اور انڈے شامل رکھیں ناخن ایک ہفتے میں تقریباً ایک ملی میٹر کی رفتار سے بڑھتے ہیں مگر یہ تناسب مختلف بھی ہو سکتا ہے۔ بچوں، حاملہ خواتین اور گرم موسم میں ناخن زیادہ تیزی سے بڑھنے میں سردی کے موسم میں یا غذائی کمی سے ان کے بڑھنے کی رفتار سست ہو جاتی ہے عموماً جس ہاتھ سے زیادہ کام لیا جائے اس کے ناخن زیادہ تیزی سے بڑھتے ہیں اس لیے ہاتھوں اور انگلیوں کی باقاعدہ ورزش بہت ضروری ہے۔ ابتدائی نیل کٹر سے ناخنوں کی صحت اچھی ہوتی ہے۔ اور ان کی بڑھنے کی رفتار میں اضافہ ہوتا ہے۔ مینی کیور کئے ہوئے ناخن نہ صرف دلکش لگتے ہیں بلکہ زیادہ مضبوط اورزیادہ لمبے بھی ہوتے ہیں۔ یہ ضروری نہیں کہ آپ ہر ہفتے مینی کیور کریں۔ جب آپ نیل کنڈیشنگ کے طریقوں میں مہارت حاصل کر لیں تو ہر ہفتے 10 منٹ کا نیل شیپنگ روٹین کافی ہوتا ہے مگر آپ ہینڈ کریم کا استعمال اور کیوٹیکل صاف کرنا اپنے روزانہ کے معمولات میں شامل کر لیں۔ باقاعدگی سے حفاظت کے نتائج سے آپ خود حیران ہو جائینگے کیونکہ اس سے بدنما اور کترے ہوئے ناخنوں میں بھی واضح فرق نظر آتا ہے اور پہلے سے بہتر نظر آنے لگتے ہیں۔ تھوڑی سی کیوٹیکل کنڈیشنگ کریم ناخنوں کے بیس پر لگا کر آہستہ آہستہ مساج کرنے سے جلد موسچرائز ہو جاتی ہے کیوٹیکل نرم رہتی ہے اور چٹخنے کا خطرہ بھی کم ہو جاتا ہے اس کے علاوہ کمزور اور سوکھے ہوئے ناخنوں کو بھی افاقہ ہوتا ہے مساج سے ناخنوں کے بڑھنے کی رفتار ٹھیک رہتی ہے اور ان میں قدرتی گلابی پن بھی آجاتا ہے۔ اگر آپ کے پاس نیل کنڈیشنر نہیں تو مساج کا کام آپ ہینڈ کریم یا باڈی موسچرزر سے بھی لے سکتی ہیں۔ مسائل کا حل ہینگ نیل ناخنوں کے اطراف کے کیوٹیکل میں پڑے ہوئے تکلیف دہ کریک کو کہتے ہیں۔ عموماً یہ آپ کی عدم توجہ اور ناخن غلط کاٹنے کی وجہ سے ہوتے ہیں جیسے جیسے ناخن بڑھتا ہے آس پاس کی جلد اس کے ساتھ ساتھ کھینچتی ہے اور پھر پھٹ جاتی ہے اگر آپ بھی اس تکلیف کا شکار ہیں تو فوراً کیوٹیکل کاٹ دیں اور کیوٹیکل کریم کا مساج کریں تاکہ انفیکشن کا خطرہ نہ رہے، سخت کیوٹیکل اگر آپ کو اپنے کیوٹیکل پیچھے دھکیلنے میں دشواری ہو رہی ہو تو کیوٹیکل کریم لگانے سے پہلے کچھ دیر ہاتھ پانی میں بھگو لیں اس سے سخت کیوٹیکل نرم ہو جاتی ہے اور ہنگ نیل سے بھی بچاﺅ رہتا ہے۔ یہ بات ذہن میں رکھیں کہ کیوٹیکل آپ کے ناخنوں کی حفاظت کرتی ہے اس لیے اس کی حفاظت بھی بہت ضروری ہے۔ اپنے ناخنوں کو کچھ دیر صابن والے پانی میں بھگوئیں اس عمل سے نہ صرف ناخن میں جما ہوا میل صاف ہو گا بلکہ کیوٹیکل بھی نرم ہو جائیگی اور اسے پیچھے کرنا آسنا ہو جائیگا۔ اگر آپ کے ناخن زیادہ خشک ہیں یا کیوٹیکل جمی ہوئی ہے تو نیم گرم زیتون یا بادام میں ناخن بھگوئیں۔ اس کے علاوہ سفید سر کے یا لیموں کے رس میں ناخن بھگونے سے بھی ناخن بہتر ہو جاتے ہیں۔ پیوند لگانا آپ ناخنوں کی طرف سے چاہیے کتنی ہی احتیاط کیوں نہ برتیں کبھی نہ کبھی یہ چٹخ ضرور جاتے ہیں مگر پریشان مت ہو کیونکہ ایک ناخن کی وجہ سے آپ کو اپنا پورا مینی کیور خراب کرنے کی ضرورت نہیں بلکہ اس نقص کو آپ مندرجہ ذیل ترکیب کے ذریعے با آسانی چھپا سکتے ہیں۔ سب سے پہلے ناخن کے کریک ٹرانسپر پالش کو ہلکی سی لگا لیں۔ ٹیولیزر کی مدد سے سفید یا گلابی ٹشو انگلیوں کے سروں پر لگائے جائے تو پریشان مت ہوں بس یہ خیال رکھیں کہ کریک مکمل طور پر ڈھک گیا۔ ناخنوں کی قینچی کی مدد سے ٹشو کے کنارے نفاست سے صاف کر لیں اور ٹرانسپرنٹ پالش کو ایک اور تہہ لگا کر جوڑ کر مضبوط کر لیں، تمام ناخنوں پر میچنگ نیل کلر لگا لیں۔ یہ جوڑ آپ کے اگلے مینی کیور تک قائم رہے گا جس میں آپ دوبارہ اسی طریقے پر عمل کرتے ہوئے ناخن جوڑ دیں۔ وقت کے ساتھ ساتھ ناخن بڑھ جائے گا اور آپ عام طریقے سے مینی کیور کر سکیں گے۔

آج کل مصنوعی ناخنوں کی بجائے قدرتی ناخنوں پر زیادہ توجہ دی جا رہی ہے اور چھوٹے ناخن رکھنے کا فیشن زور پکڑ رہا ہے۔ اگر آپ کے ناخن خراب ہیں اور آپ انہیں نمایاں کرتے ہوئے احساس کمتری میں مبتلا ہیں تو تھوڑی سی توجہ کے بعد آپ مجوزہ خامیوں پر قابو پا سکتی ہے۔ فرانسیسی انداز میں اگر ناخنوں کی تراش خراش کی جائے تو بے حد بھلی لگتی ہے۔ اس طریقہ کار میں سب سے شفاف بیس کوٹ ناخنوں پر لگائیں۔ جب یہ خشک ہو جائے تو پورے ناخن کو یا تو شفاف یاپھر قدرتی گلابی رنگ کی نیل پالش لیں اور ناخنوں کے صرف سامنے والے سرے پر لگائیں۔ جب یہ خشک ہو جائیں تو قدرتی گلابی رنگ کی نیل پالش استعمال کریں کسی بھی اچھی کاسمیٹک کا دکن سے آپ”فرنیچ مینی کیورسیٹ“ خرید سکتی ہے۔ اس سیٹ میں بیس کوٹ، سفید پالش اور ٹاپ کوٹ شامل ہوتا ہے۔ کسی سیٹ میں سفید پنسل بھی ہوتی ہے، جسے گیلی کر کے استعمال کیا جاتا ہے۔ اگر یہ سب کچھ نہ کرسکیں تو اپنے ناخنوں کو کپڑے کے پیڈ سے رگڑا کریں تاکہ ان کی قدرتی چمک مک اور رنگ اجاگر ہو سکے۔ اس عمل کو پف کرنا کہتے ہیں۔ پف کرنے سے ناخن کے نیچے موجود خون کی گردش میں تیزی آجاتی ہے۔ اس سے ناخن صحتمند اور شفاف نظر آئیں گے۔ یاد رہے کہ پف ہلکے انداز میں کریں، اگر پف کرتے وقت جلن کا احساس ہو تو اس کا صاف مطلب ہے کہ آپ گہرے انداز میں پف کر رہی ہیں۔ ایسا کرنے کی صورت میں آپ کے ناخن ٹوٹ پھوٹ کا شکار ہو سکتے ہیں۔ سونے سے قبل اپنے ہاتھوں پر معیاری ہینڈ کریم لگائیں۔ ذیل میں ایک ترکیب دی جا رہی ہے، اسے کم از کم مہینہ میں ایک بار ضرور کریں۔ اپنے ہاتھوں اور ناخنوں پر زیتون کا تیل یا ہینڈ کریم اچھی طرح ملیں۔ ہاتھوں پر دستانے چڑھائیں اور سو جائیں۔ اگرچہ یہ بڑا عجیب سا عمل ہے کہ رات بھر ہاتھ دستانے میں رہیں، لیکن بہت جلد آپ کو اس کی افدایت کا احساس ہو جائیگا۔ ناخن کترنا یہ قوت ارادی کی بات ہے، آپ اپنے ذہن میں یہ سوچیں کہ آپ نے ناخن کترنا چھوڑ دیا ہے۔ آپ یہ بات اپنے ذہن میں بار بار دہرائیں۔ اگر آپ ایسا کرنے میں کامیاب ہو گئیں تو ہمیں یقین ہے کہ پھر ناخن کترنے کی بری عادت آپ کو کبھی نہیں ہو گی۔ اپنے ناخنوں کو لال نیل پالش سے رنگیں، تاکہ جب یہ بڑھیں تو آپ کو احساس نہ ہو،ہو سکے تو فالس نیل استعمال کریں، ان کے استعمال سے بھی آپ ناخن کترنے کی عادت سے چھٹکارہ حاصل کر لیں گے۔ ناخن پالش کا جدید طریقہ یہ بالکل جدید انداز ہے۔ سب سے پہلے ناخنوں پر غیر شفاف سفید پالش کرتے ہیں۔ اس کے بعد ناخنوں کے کناروں کو زردی مائل گلابی یا آڑو کے رنگ سے ملتے جلتے پالش سے پالش کرتے ہیں۔ ناخنوں کے بڑھنے کی رفتار؟ ہاتھ کے ناخن پاﺅں کے ناخنوں کے مقابلے میں تیزی سے بڑھتے ہیں اوریہ ایک ہفتہ میں ایک ملی میٹر بڑھتے ہیں۔ ایک نئے ناخن کی تشکیل میں عموماً پانچ ماہ لگ جاتے ہیں۔ گرم موسموں میں ناخن ٹھنڈے موسم کے مقابلے میںزیادہ تیزی سے بڑھتے ہیں۔ دس مفید باتیں اس سلسلے میں آپ کو کاٹن رول پیڈ، نیل پالش، ریموور، ایمپری بورڈ، کیوٹیکل کریم، ایک پیالہ گرم صابن پانی، ایک عدد تولیہ اور ینج اسٹک، ہینڈ کریم، بیس کوٹ، نیل پالش اور ٹاپ کوٹ کی ضرورت ہو گی۔ 1۔ پرانی ناخن پالش کو ریموور کے ذریعے صاف کرلیں۔ ریموور آپ کے ناخن میں موجود قدرتی چکنائی کو کم کرتا ہے۔ اس لیے ایسا ریموور استعمال کریں جو آئل بیس پر تیار کیا گیا ہو، ہر ناخن کو جڑ سے نوک کی طرف صاف کریں۔ 2۔ ایمپری بورڈ کے ذریعے اپنے ناخنوں کو گولائی کی شکل میں ہلکے ہلکے رگڑیں۔ جڑ کی جانب سے فائنل کرتے ہوئے کناروں تک آئیں اور ایک ہی رخ پر کریں۔ تبدیلی کی صورت میں ناخن کٹ پھٹ جائیں گے۔ دھان کی فائل سے گریز کریں۔ 3۔ کیوٹیکل وہ حصہ کہلاتا ہے جہاں آپ کا ناخن آپ کی جلد سے ملتا ہے۔ اس جگہ اکثر کھال ادھڑ جاتی ہے۔ اس سے بچنے کیلئے اچھی سی کریم کے ذریعے مساج کریں۔ 4۔ اپنی انگلیاں نیم گرم پانی میں پانچ منٹ تک ڈبو کر رکھیں۔ کریم پانی کے ساتھ ملیں، جو آپ کے ناخنوں اور کیوٹیکل کو نرم کر دیگی۔ جب آپ ہاتھ دھوئیں تو تولیہ سے انہیں صاف کرتے وقت کیوٹیکل کو تولیہ کی مدد سے اندر کی طرف دبائیں۔ 5۔ اب اور ینج اسٹک استعمال کریں۔ اسٹک کے استعمال سے قبل اس کے اوپری سرے پر کوئی نرم کپڑا لپیٹ لیں۔ انتہائی کلپر کا استعمال ہرگز نہ کریں۔ 6۔ پانی میں ہاتھ اور ناخن کے بھیگنے سے ان کی چکنائی متاثر ہوتی ہے، اس لئے ہینڈ کریم کا استعمال کریں تاکہ وہ کمی پوری ہو جائے۔ 7۔ اب کاٹن وول کا پیڈ لیں۔ اسے نیل پالش ریموور میں ڈبوئیں اور ناخن پر موجود کریم کی چکنائی کو اس کی مدد سے صاف کریں، اگر آپ نے یہ عمل نہیں کیا تو یاد رکھیے نیل پالش زیادہ دیر نہیں ٹھہر پائے گی۔ 8۔ نیل پالش سے قبل ہمیشہ بیس کوٹ لگائیں۔ اس کے ذریعے نیل پالش دیر تک قائم رہتی ہے اور اس پر دھبہ نہیں لگتا، اگر آپ کے ناخن کمزور ہیں تو ہارڈ بیس کوٹ استعمال کریں۔ 9۔اب پالش کے دو کوٹ لگائیں۔ یہ عمل تین بار میں مکمل کریں۔ پہلے درمیان میں لگائیں پھر دائیں بائیں۔ اور ینج اسٹک نیل پالش ریموور میں بھگو کر دیکھیں تاکہ زائد پالش کو اس سے صاف کیا جاسکے۔ 10۔ اب ٹاپ کوٹ لگا کر ناخن سنوارنے کا عمل مکمل کرلیں۔ ٹاپ کوٹ آپ کی پالش کو چٹخنے سے بچائے رکھتا ہے۔ ناخنوں کی حفاظت اپنے ناخنوں کی دیکھ بھال کے سلسلے میں پروفیشنل بننے، سطحی سوچ سے جان چھڑائیے۔ ذرا سی توجہ دے کر آپ اپنے ناخنوں کی کسی ماہر کی طرح دیکھ بھال کر سکیں گی۔ ان کی نشوونما پر نظر رکھ سکیں گی۔ ہفتے میں صرف ایک بارتوجہ دینے کی ضرورت ہے۔ دن بھر میں صرف دس بارہ منٹ دیجئے اور اپنے ناخنوں میں تبدیلی کا خود ہی اندازہ کر لیجئے۔ روزانہ ٹاپ کوٹ کی ایک تہہ لگایا کریں۔ سونے سے قبل کسی پیٹرولیم جیلی سے انگلیوں اور خصوصاً ناخنوں کے ساتھ ملی ہوئی کھال کا اچھی طرح مساج کریں۔ اس سے ناخنوں کے بڑھنے میں مدد ملتی ہے۔ کمزور ناخنوں پر خصوصی توجہ دیں۔ ایمری بورڈ سے آرام آرام سے انہیں رگڑیں اور پھر بف کر لیں۔ فونکے نمبر دائل کرنے کیلئے ناخن کی بجائے پنسل کی نوک یا اس کا پچھلا حصہ استعمال کریں۔ کسی ڈاک کو کھولنے کیلئے بھی ناخن نہ استعمال کریں۔ گھر کے کام کاج کے دوران دستانے پہنیں۔ ربڑ کے دستانے بہتر ہیں۔ گرم پانی سے برتن دھوتے وقت دستانے پہننے سے قبل ہاتھوں پر کوئی کریم مل لیں۔ اس سے گرم پانی آپ کی کھال کو نقصان نہیں پہنچائیگا۔ تو پھر آئیے ناخنوں سے متعلق کچھ ضروری باتیں کرتے ہیں۔ سب سے پہلے ناخنوں پر موجود نیل پالش کو اتاریں۔ روئی کو ایک باریک تنکے پر لپیٹیں اور ریموور میں ڈبوکر خوب اچھی طرح ناخنوں پر نیل پالش کو صاف کریں۔ اگر ناخن بڑھے ہوئے ہوں تو نیل کٹرے سے کاٹ کر شیپ میںلے آئیں۔ پہلے دونوں طرف سے پھر درمیان سے کاٹیں۔ اس کے بعد آہستہ آہستہ فائنل کریں۔ درمیان سے دونوںکناروں کی طرف آئیں۔ فائل کرنے کے بعد بف کر لیں۔ اس کے بعد کریم سے اچھی طرح دونوں ہاتھوں، انگلیوں اور انگلیوں کے درمیان خلا کی مالش کریں، اگر کریم ناخنوں اور گوشت کے سنگم کے درمیان خلا میں پھنس جائے تو تنکے میں روئی لپیٹ کر صاف کرلیں۔ اس سے فارغ ہونے کے بعد نیل پالش، بیس کوٹ وغیرہ سیٹ کر لیں۔ سب سے پہلے ناخن پر بیس کوٹ لگائیں۔ کوٹ کو مضبوط کرنے کیلئے پہلے دائیں سے بائیں لگائیں۔ خشک ہونے دیں، پھر اوپر سے ناخن کی جڑ تک لگائیں اور پھر خشک ہونے دیں۔ اب ناخن پالش کی اچھی طرح ہلا کر برش شیشی سے باہر نکالیں اور برش کو شیشی کے کناروں پر دبا لیں تاکہ زائد پالش شیشی میں ہی رہ جائے۔ چھوٹی انگلی سے شروع کریں اور تین اسٹروک میں مکمل کریں۔ پہلے درمیان میں لگائیں۔ پھر دونوں کناروں سے لگائیں۔ جس ہاتھ سے پالیس لگا رہی ہوں اسی ہاتھ کو انگوٹھے سے انگلی کے گوشت کو کھینچ کر رکھیں۔ تاکہ پالش گوشت پر نہ لگے۔ دوسری کوٹنگ سے قبل پہلی والی کو خشک ہونے دیں۔ دوسری کو ٹنگ کے خشک ہونے کے بعد ٹاپ کوٹ لگائیں۔ جلدی سکھانا ہو تو برف کے پانی میں انگلیاں ڈبو لیں۔